Qaynanasını tapança ilə hədələyən keçmiş məhkum saxlanılıb
Xətai rayonunda qadının şikayəti əsasında əri saxlanılıb.
“Ölkə.Az”a verilən məlumata görə, martın 11-də Bakı şəhər sakini Svetlana Zöhrabova Xətai RPİ-nin 34-cü Polis Bölməsinə ərizə ilə müraciət edərək bildirib ki, martın 10-da əri, əvvəllər məhkum olunmuş Polad onun anası Zümrüd Paşayevanın yaşadığı evə gedərək tapança ilə onu hədələyib.
34-cü Polis Bölməsi əməkdaşlarının keçirdikləri əməliyyat tədbirləri nəticəsində P.Zöhrabov saxlanılıb, ondan tapança və 5 ədəd patron götürülüb.
Faktla əlaqədar Xətai RPİ-də cinayət məcəlləsinin müvafiq maddələri ilə cinayət işi başlanıb.
