İsrail BMT-ni sərt tənqid etdi

İsrail baş naziri Binyamin Netanyahu BMT-ni sərt tənqid edib.

ABŞ-ın Indiana ştatının qubernatoru Mike Pence ilə görüşən Netanyahu bildirib ki, İsrail İran və terrorçu qrupların təhdidi altında yaşayır: 

"Hücumlar indi də İsrailin təhlükəsizliyini təhlükəyə atacaq bir şəkildədir. Fələstin adminstrasiyası bizdən BMT-yə şikayət edib. Beynəlxalq ictimaiyyətdən gözləntimiz üzərimizdə yaradılmağa çalışılan BMT-nin diqtəsinə qarşı müqavimət göstərməkdir. Sizə zəmanət verirəm ki, əgər beynəlxalq ictimaiyyət Fələstinin BMT-yə edəcəyi şikayəti redd etməzsə belə biz bunu qəbul etməyəcəyik. İsrail öz gələcəyini təhlükə altına alacaq şərtlərə qarşı çıxacaq və bunu qəbul etməyəcək". 

Qeyd edək ki, Fələstin İordaniya vasitəsi ilə BMT-yə təqdim etdiyi layihədə müstəqil Fələstin dövlətinin yaradılmasını və Qüdsün Fələstinin paytaxtı olmasını göstərib. Sənədin bu həftə BMT-də müzakirəyə çıxarılacağı gözlənilir. (ans)

Ölkə.Az