Ermənistanın beynəlxalq ehtiyatları xeyli azalıb

Ötən ilin noyabr ayı ilə müqayisədə Ermənistanın beynəlxalq ehtiyatları təqribən 25 faiz azalaraq 2,2 milyard dollardan 1,5 milyard dollara enib.

İqtisadçı Vaaqn Xaçatryan deyib ki, bu, 2009-cu ildən bəri ən aşağı göstəricidir: "Bu, Ermənistanın nüfuzuna ciddi zərbədir".

Onun sözlərinə əsasən, bu, yekunda ölkənin borcunu ödəyə bilməməsinə gətirib çıxaracaq: "Ermənistanda maliyyə fəaliyyəti göstərən beynəlxalq təşkilatlar və ya ölkələr maliyyəni dayandıracaq. Məsələn, cari il 280 milyon və daha böyük həcmdə kreditlərin verilməsi planlaşdırılır. Həmin kreditlər məhdudlaşdırılacaq və ya olmayacaq".(Trend)

Ölkə.Az