Çindən poçt vasitəsi ilə göndərilən soyuq silahlar aşkar edilib
Bakı şəhərində Dövlət Gömrük Komitəsinin əməkdaşları ölkəyə poçt vasitəsi ilə soyuq silah gətirilməsinin qarşısını alıb.
“Ölkə.Az”a verilən məlumata görə, Çin Xalq Respublikasından Ruslan Kərimovun adına göndərilən poçt bağlamasında dəyənək aşkar edilib.
Həmçinin Orxan İbrahimlinin adına gələn poçt bağlamasında da soyuq silah hesab edilən beşbarmaq da tapılıb. Aşkar edilən soyuq silahlarla bağlı araşdırmalara başlanılıb, hər iki şəxsin izahatı alınıb.
