Yol təmiri aparılan ərazidə ağır qəza baş verib

"Ölkə.Az" verir ki, Bakı şəhəri istiqamətində hərəkət edən 10 xn 136 dövlət nömrə nişanlı “Mercedes” markalı minik maşının sürücüsü idarəetməni itirərək avtomobili, təmir işləri aparılan ərazidə öncədən xəbərdarlıq nişanları qoyulmasına baxmayaraq yol kənarında təmir işləri aparan texnikaya çırpıb.

Nəticədə qəza zamanı maşında olan iki sərnişin dünyasını dəyişib, yaralılar var.

Hazırda faktla bağlı araşdırma aparılır.

Bakı-Qazax magistralının Hacıqabulun Atbulaq kəndindən keçən hissəsində Tərtər rayon sakini, 1980-ci il təvəllüdlü Bəhruz Telman oğlu Hümbətovun idarə etdiyi “Mercedes” markalı avtomobilin yolda təmir işləri aparan maşınla toqquşması nəticəsində onun həyat yoldaşı, 1989-cu il təvəllüdlü Şəlalə Yaqub qızı Hümbətova və sürücünün qardaşı arvadı İsmayılova Kamilə Feyzi qızı hadisə yerində ölüblər.

“Mercedes”də olan sərnişinlərdən - sürücünün övladları, 2015-ci il təvəllüdlü Umud Bəhruz oğlu Hümbətov və 2010-cu il təvəllüdlü Rəşad Bəhruz oğlu Hümbətov ağır vəziyyətdə xəstəxanaya yerləşdiriliblər.
Avtomobildə olan digər azyaşlı və sürücü yüngül xəsarət alıb.