Sərnişin metroda qatar yoluna yıxıldı

 “Ölkə.Az” xəbər verir ki, hadisə zamanı tuneldə qatar olmayıb.

Hazırda metroda gərginlik dayandırılaraq sərnişini xilas etməyə çalışırlar. Bu səbəbdən metro xəttində müəyyən gecikmələr olacaq.

Məsələ ilə bağlı “Bakı Metropoliteni" QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayev məlumat verib. Paşayev bildirib ki, relslərin üstünə yıxılan şəxs 85 yaşlı Məmmədova Sürayyə Söhbət qızıdır.

“ "İçərişəhər" stansiyasında qatar dayananda birinci vaqonun birinci qapısından relslərin üstünə düşüb. Sola dönüb stansiyadan çıxmaq əvəzinə sağa dönərək qatarın qabağından relslərin üstünə yıxılıb. Əməkdaşlarımız gərginliyi söndürüb xanımı stansiya yolundan çıxarıblar. Görünüşdə ciddi xəsarət müşahidə edilməsə də, təcili tibi yardıb çağrılıb. Xətdə ümumilikdə 3 dəqiqə gecikmə yaranıb”, - deyə məlumatda bildirilir.

Hikmət Həsənov
Ölkə.Az