Maduro: "ABŞ Rusiya və Venesuelanı dağıtmaq üçün neft müharibəsi aparır"

Maduro ABŞ-a qarşı kəskin çıxış edib.

Ölkə.Az-ın TASS agentliyinə istinadən verdiyi xəbərə görə, Venesuela prezidenti Nikolas Maduro Karakasda çıxış zamanı ABŞ-ın Rusiya və Venesuelanı dağıtmaq məqsədilə neft müharibəsi apardığına əminliyini ifadə edib. O, əlavə edib ki, bu müharibənin daha bir məqsədi Neft İxrac Edən Ölkələr Birliyini (OPEC) dağıtmaqdır.

"Rusiyanı dağıtmaq və dinc ölkə kimi Rusiyanın kollaps vəziyyətə gətirilməsi məqsədi olan neft müharibəsi gedir. Bu gün prezident Obama bunu radiomüsahibəsində etiraf edib. Eyni zamanda, neftin qiymətinin düşməsi Venesuelaya qarşı yönəlib. Burada əsas məqsəd ölkəmizi müstəmləkəyə çevrimək, bizim müstəqillik və inqilabımızı iqtisadi kollaps hesabına əlimizdən almaqdır", - deyə Maduro qeyd edib.

Rəşid Mustafazadə

Ölkə.Az