Nəsimi rayonunda bıçaqlanma

Nəsimi rayonu, Bülbül prospektində baş verən bıçaqlanma ilə bağlı saxlanılan var.

“Ölkə.Az”a rayonun hüquq-mühafizə orqanlarından verilən məlumata görə, Nəsimi Rayon Polis İdarəsinin 22-ci Polis Bölməsinin əməkdaşları tərəfindən artıq 1 nəfər saxlanılıb, digər şəxsin saxlanılması istiqamətində əməliyyat-axtarış tədbirləri davam etdirilir.

Belə ki, ötən axşam "Nizami" Kino Mərkəzinin qarşısındakı 4 nəfər arasında mübahisə düşüb. Kafedə yeyib-içən zaman bir masada oturan 2 nəfərlə qarşı masada oturan şəxslər arasında mübahisə düşüb. Nəticədə çölə çıxan 4 nəfər arasında əlbəyaxa dava düşüb. Bu zaman Məmmədov Emin Mahir oğlu və Kişiyev Fərid Cəlil oğlu qarın və kürək nahiyələrindən bıçaqlanıblar. Yaralılar 1 saylı Kliniki Tibbi Mərkəzə yerləşdirilib, vəziyyətləri orta-ağırdır.
Faktla bağlı Nəsimi RPİ-nin istintaq Şöbəsində cinayət məcəlləsinin 126.1-ci (qəsdən sağlamlığa ağır xəsarət yetirmə) maddəsi ilə cinayət işi başlanıb, araşdırmalar aparılır.