Kürdən meyiti çıxarılan kişinin intihar ehtimalı

Kür çayının Kürdəmir rayon ərazisindən keçən hissəsində meyiti tapılan 1989-cu il təvəllüdlü Maqsud Məmmədsadıq oğlu Zamanovun intihar etdiyi ehtimal olunur.

"Ölkə.Az" xəbər verir ki, APA-nın hüquq-mühafizə orqanlarından əldə etdiyi məlumata görə, Kürdəmir rayon sakini M. Zamanov qardaşına zəng edib və "haqqınızı halal edin" deyərək telefonu söndürüb.

Daha sonra ona zəng çatmayıb. Bu səbəbdən də onun intihar etdiyi güman edilir

M. Zamanovun ölümünün dəqiq səbəbi Kürdəmir rayon Prokurorluğunda aparılan araşdırmadan sonra məlum olacaq.

***
Kürdəmir rayonunun Köhünlü kəndi ərazisində Kür çayında Kiçik Həcmli Gəmilərə Nəzarət və Sularda Xilasetmə Dövlət Xidməti tərəfindən aparılan axtarış işləri başa çatıb.

"Ölkə.Az"ın Fövqəladə Hallar Nazirliyinin saytına istinadən verdiyi məlumata görə, 1989-cu il təvəllüdlü Zamanov Maqsud Məmmədsadıq oğlunun cəsədi dalğıc-axtarış qrupu tərəfindən batdığı ehtimal edilən yerdən 100 m aralıda tapılaraq sudan çıxarılıb və aidiyyəti üzrə təhvil verilib.

***
Kürdəmir rayonunda 1 nəfərin batdığı ehtimal edilir.

"Ölkə.Az" Fövqəladə Hallar Nazirliyinin saytına istinadən xəbər verir ki, Böhran Vəziyyətlərində İdarəetmə Mərkəzinə daxil olmuş məlumata əsasən, Kürdəmir rayonu, Köhünlü kəndində 1 nəfərin Kür çayında batdığı ehtimal edilir.

Fövqəladə Hallar Nazirliyinin Kiçik Həcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub. Axtarış işləri barədə əlavə məlumat veriləcək.u200b

Ölkə.Az