Tramp rus diplomatlarla bağlı Kanadanın baş nazirinə zəng etdi
ABŞ prezidenti Donald Tramp Kanadanın baş naziri Castin Trüdo ilə rus diplomatların ölkədən çıxarılmasını müzakirə edib.
“Ölkə.Az” xəbər verir ki, artıq bir sıra dövlətlər Böyük Britaniyada kəşfiyyatçı Sergey Skripal və qızının zəhərlənməsinə cavab olaraq rus diplomatları ölkəsindən çıxarmaq qərarına gəlib.
Ağ Evin mətbuat xidmətinin bəyanatında deyilir:
“Rusiyanın belə davranışı bütün dünyada dağıdıcı fəaliyyətini bir daha üzə çıxarır”.
ABŞ 26 mart tarixində 60 rus diplomatın deportasiya ediləcəyini bəyan edib. Bundan başqa Sietl şəhərində Rusiyanın baş konsulluğu da bağlanacaq.
Hikmət Həsənov
Ölkə.Az
