Keçmiş "Nida"çı Hafiz Hacıyevlə birləşdi

"Özünüzü gözləyin, müxalifətçilər, gəncləri məhv etməyə sizə aman verməyəcəyik"

Bir neçə ay öncə əfv olunaraq həbsdən buraxılmış keçmiş "Nida"çı Elsevər Mürsəlli bir zamanlar sırasında fəal olduğu düşərgəyə qarşı açdığı cəbhədə aktivliyini artırmaq niyyətindədir. Bu barədə o, sosial şəbəkədə məlumat yayıb.

Həbsdən çıxdıqdan sonra öz səhifəsinin adını "Elsevər Mürsəlli Yap" adlandıran sabiq "Nida"çı yazıb:

"Əziz mətbuat nümayəndələri! Diqqətinizə çatdiriram ki, Müasir Müsavat Partiyasının sədri, əziz dostum Hafiz Hacıyevlə danışdıq, bu qərara gəldik ki, öz vətənini canından çox sevən Hafiz bəylə mən yeni bir səhifə yaradaq".

E.Mürsəlli yazır ki, anti-müxalifət adlı bu səhifəni yaratmaqda məqsədləri odur ki, bu gun bir cox əqidəsiz müxalifət nümayəndələrinin Facebok uzərindən gənclərin başını tovlayaraq, onlara yalan vədlər verib, onları "gözəl dövlətimizə qarşi çıxardırlar": "Bunun qarşısını ancaq Hafiz bəy kimi vətəninin sevən, keçmişdə mxalifətin qurbani olan mən almaqa çalişacağiq. Yaxın günlərdə Hafiz bəy də bu haqda mətbuat nümayəndələrinə açıqlama verəcək. Bundan sonra Hafiz Hacıyev və Elsevər Mürsəlli işbirliyi başlayir. Özünüzü gözləyin, müxalifətçilər, gəncləri məhv etməyə sizə aman verməyəcəyik".

Ölkə.Az