Azyaşlı qızları zorlayan şəxsin məhkəməsi

“Ölkə.Az”a verilən məlumata görə, aprel ayının 6-da hakim Camal Ramazanovun sədrliyi ilə cinayət məcəlləsinin 149.3.3-cü  (on dörd yaşına çatmayan şəxsi zorlama) maddəsi ilə təqsirkar bilinən Şindiyev Elçin Qədir oğlunun məhkəmə prosesinin hazırlıq iclası keçiriləcək. Zərərçəkən qismində Tuylakova Cavharat Elxan qızı və Tuylakova Aysel Elxan qızı tanınıb. 

Xatırladaq ki, ötən ilin avqusta ayında Balakən rayonunda Şindiyev Elçin Qədir oğlu saxlanılıb. Məlum olub ki, E.Şindiyev qeyri-rəsmi yaşadığı qadının 2 azyaşlı qızını zorlayıb. Məlum olub ki, atalığı tərəfindən zorlanan yeniyetmə qızların anası onların doğma atası ilə 7 il əvvəl ayrılıb. Bundan sonra uşağların anası Elçinlə tanış olub və dini kəbin kəsdirərək birgə yaşamağa başlayıblar. Bir müddət əvvəl isə onlar kafe icarəyə götürərək birgə işləməyə başlayıblar. İlk olaraq E.Şindiyev qadının qızlarından 12 yaşlı olanını zorlayıb. 12 yaşlı qızın zorlanması hadisəsi də anası kafedə işdə olarkən baş verib. Evdə heç kimin olmamasından istifadə edən Elçin Şindiyev onu zorlayıb.

Bildirilir ki, Tuylakova Cavharat Elxan qızının 22-25 həftəlik hamilə olması o, bacısı və babası ilə birgə xəstəxanaya müraciət edərkən məlum olub. Qızın anası bildirib ki, övladının səhhətindəki problemdən şübhələndiyi üçün onu bacısı və babası ilə həkim müayinəsinə göndərib, işi olduğu üçün özü xəstəxanaya getməyib. Həmçinin E.Şindiyev qadının 2-ci azyaşlı qızınıda zorlayıb. 

Qeyd edək ki, törətdiyi əməl sübuta yetirilərsə, Elçin Şindiyevi səkkiz ildən on beş ilədək müddətə azadlıqdan məhrum etmə cəzası gözləyir.