Özündən 14 yaş kiçik həyat yoldaşını öldürən şəxsin məhkəməsi
Gəncədə yolun ortasında həyat yoldaşını öldürən şəxsin məhkəməsi başlayır.
“Ölkə.Az”a verilən məlumata görə, aprel ayının 5-də Gəncə Ağır Cinayətlər Məhkəməsində qətlə təqsirləndirilən Süleymanov Elyar Aydın oğlunun məhkəmə prosesinin hazırlıq iclası baş tutacaq. Cinayət işində zərərçəkmiş qismində mərhumun bacısı Həsənova Elnurə Daşdımir qızı tanınıb.
Qeyd edək ki, ötən ilin sentyabr ayında Dədə Qorqud küçəsi ilə M.Bağırov küçəsinin kəsişməsində 1976-cı il təvəllüdlü Süleymanov Elyar Aydın oğlu həyat yoldaşı 1990-cı il təvəllüdlü Süleymanova Elnarə Daşdəmir qızına çoxsaylı bıçaq xəsarətləri yetirib. Qadın ağır vəziyyətdə xəstəxanaya yerləşdirilsə də, sonradan dünyasını dəyişib.
Faktla bağlı Gəncə şəhər prokurorluğunda cinayət məcəlləsinin 120.2.4-cü (qəsdən adam öldürmə) maddəsi ilə cinayət işi başlanıb.
