İlon Maskın 1 aprel zarafatı: “Şirkətim müflis oldu”
“Tesla” şirkətinin rəhbəri İlon Mask şirkətin tam müflis olduğunu bəyan edib.
“Ölkə.Az” xəbər verir ki, Mask bunu Tvitter səhifəsində paylaşıb:
“Pasxa yumurtalarının satışından əldə edilən gəlirlə vəziyyəti düzəltməyə çalışsaq da, təəssüf hissi ilə məlumat veririk ki, “Tesla” tam olaraq müflis olub”.
Sonra isə Mask üzərinə ingilis dilində “müflis” yazılmış karton parçası ilə fotosunu paylaşıb.
Şəkilin altına isə, “İlon huşsuz halda “Tesla Model 3” avtomobilinin yanında, 3 şüşə “Teslakila” içkisi ilə tapılıb. Onun yanaqlarında qurumuş göz yaşı var idi” yazılıb.
Paylaşım 1 aprel tarixində edilib. Bununla da Mask 1 aprel zarafatı edib.
Hikmət Həsənov
Ölkə.Az
