Xədicə İsmayıl növbəti dəfə məhkəmə qarşısında
Vergilər Nazirliyi Yanında Bakı şəhəri Lokal Gəlirlər Departamenti tanınmış jurnalist Xədicə İsmayılı 1 saylı Bakı İnzibati-İqtisadi Məhkəməsinə verib.
“Ölkə.Az” xəbər verir ki, aprel ayının 3-də hakim Aida Hüseynin sədrliyi ilə məhkəmə baxışı keçiriləcək.
Vergilər Nazirliyi müraciətində araşdırmaçı jurnalist Xədicə İsmayılın bank hesabına həbs qoyulmasını istəyib və onun 63 min manatdan çox vergi borcunun olduğunu iddia edib.
Vergilər Nazirliyi iddia ərizəsində vergi tələbini Ali Məhkəmənin 2016-cı ilin mayında Xədicə İsmayıl barəsində çıxardığı qərara istinadən irəli sürüb.
