Ağ Evdə Obamanın tikdirdiyi bunker tapıldı
Jurnalist Ronald Kessler “Trampın Ağ Evi: oyun qaydaları dəyişir” kitabında maraqlı faktlar yazıb.
“Ölkə.Az” xəbər verir ki, prezident sarayının şimal hissəsində, otluq sahəsinin altında bunker gizlədilib.
Qeyd edilir ki, bunker 2010-cu ildə Barak Obamanın prezidentliyi dövründə nüvə müharibəsi ehtimalına əsasən inşa edilib. Donald Tramp administrasiyasının əməkdaşları artıq bunkerə baş çəkiblər.
Məlum olub ki, bunkerin ölçüləri Ağ Evin bütün əməkdaşlarını qəbul etməyə imkan verir. Sənədlərə əsasən isə, tikinti elektrik naqillərinin yenilənməsi adı altında aparılıb.
Ağ Evin şərq hissəsində başqa bir bunker də var.
Hikmət Həsənov
Ölkə.Az
