Əfqanıstanda hava hücumu
Əfqanıstanın hərbi hava qüvvələri Taliban qruplaşmasının nəzarəti altında olan bölgəyə havadan hücum edib.
“Ölkə.Az” xəbər verir ki, hücum nəticəsində ən azı 100 nəfər ölüb.
Hücum ölkənin şimalındakı Qunduz vilayətinə edilib. Daşti Arçi bölgəsinin icra başçısı Nasruddin Sadi bildirib ki, Hava Qüvvələrinə məxsus qırıcı rayondakı məscidi bombalayıb. Nəticədə ən azı 100 nəfər ölüb. Onlar arasında mülki vətəndaşlar da çoxdur.
Hücum nəticəində 50 nəfər yaralanıb. Sadi ölü sayının artacağını istisna etmir.
Qeyd edilir ki, hücum mədrəsədə hafizliyi bitirənlərin məzuniyyət tədbiri zamanı baş verib. Ölənlər arasında Taliban liderləri də var.
Hikmət Həsənov
Ölkə.Az
