Spiker: "Xaricdə Azərbaycana qarşı söyüş kampaniyası aparanlar mənəviyyatdan uzaqdır”

"Ölkə.Az" xəbər verir ki, bu fikirləri Milli Məclisin bu gün keçirilən plenar iclasında çıxışı zamanı Parlamentin komitə sədri Əli Hüseynli bildirib. 

Ə.Hüseynli deyib ki, hər kəs bu məsələyə münasibətini bildirməlidir:

 “Hər kəs bilməlidir ki, ölkə prezidenti, hakimiyyət münayəndələrinə qarşı  təhqir, həm də  dövlətimizə, xalqımıza qarş təhqir və böhtandır. Azərbaycanlı olmaq üçün burada doğulmaq, azərbaycanlı ad, soyadı daşımaq kifayət deyil. Elə insanlar var ki, azərbaycanlı  təfəkküründən uzaqdırlar. Bizim həmrəyliyimiz ölkəyə, prezidentə, dövlətə sədaqətimizi, bununla barışmayan mövqeyimizi örtaya qoymalıyıq”.

Spiker Oqtay Əsədov isə bildirib ki, bu məsələyə münasibət bildirmək üçün Milli Məclisdə çıxış etmək mütləq deyil:

 “Mətbuat, saytlar var, orada fikirlərinizi bildirə bilərsiniz. Aydındır ki,  həmin insanlar Azərbaycan xalqının milli dəyərlərindən, mənəviyyatından uzaqdır”.

Vasif Həsənli
Ölkə.Az