Xanım baş redaktor yenidən məhkəmə qarşısında

Sabah Samirə Ehtiqat qızı Nəsirovanın keçiriləcək məhkəmə prosesinə Bakı Apellyasiya Məhkəməsinin hakimi Rizvan Səfərov sədrlik edəcək. 

Qeyd edək ki, bu il fevral ayının 8-də Bakı Ağır Cinayətlər Məhkəməsində dələduzluqda təqsirləndirilən "Ata yolu" qəzetinin baş redaktoru Samirə Nəsirova 7 il müddətinə azadlıqdan məhrum edilib.

İttihama görə S.Nəsirova bir neçə nəfəri Azərbaycan Dövlət Neft Şirkətinə (SOCAR) işə düzəltmək adı ilə dələduzluq edib. Onun işi üzrə 29 nəfər zərərçəkmiş tanınıb.

S.Nəsirova Cinayət Məcəlləsinin 178.3.1-ci (dələduzluq; külli miqdarda törədildikdə) maddəsi ilə cinayət işi başlanıb və barəsində həbs qətimkan tədbiri seçilib.

Xatırladaq ki, Samirə Nəsirova həbs edilmədən bir neçə ay əvvəl evindən 48 min dollar və qızıllarının oğurlandığını bildirib.