Tramp İsrailin baş nazirinə zəng etdi
BMT Təhlükəsizlik Şurasının Yaxın Şərq üzrə iclasından əvvəl ABŞ prezidenti Donald Tramp İsrailin baş naziri Benyamin Netanyahuya zəng edib.
“Ölkə.Az” xəbər verir ki, bu barədə məlumatı Ağ Ev yayıb.
Ağ Evin məlumatına əsasən, tərəflər İsrailin təhlükəsizliyini və İranın regiondakı təsirinə qarşı fəaliyyəti müzakirə ediblər.
“Prezident Tramp ABŞ-ın İsrailin təhlükəsizliyinə olan sadiqliyini təsdiq edib. İki lider İranın nüfuzunun artmasına qarşı sıx əməkdaşlıq barədə razılığa gəlib”, - deyə məlumatda bildirilir.
Qeyd edək ki, telefon danışığının məhz kimin təşəbbüsü ilə həyata keçirildiyi barədə məlumat verilmir.
Hikmət Həsənov
Ölkə.Az
