İki qardaşdan hədə-qorxu yolu ilə pul tələb edənlər tutuldu
Bərdə sakinlərinə hədə-qorxu gələrək pul tələb edən şəxslər tutulub.
Daxili İşlər Nazirliyinin mətbuat xidmətindən “Ölkə.Az”a verilən məlumata görə, Bərdə RPŞ-nin əməkdaşları tərəfindən aprelin 2-də Fərhad Məmmədova və qardaşı Ədalətə hədə-qorxu gəlib 9000 manat tələb etməkdə şübhəli bilinən rayon sakini Nursani Hüsiyev və Ağdam rayon sakini, əvvəllər məhkum olunmuş Elnur Quliyev saxlanılıblar.
Şəxsi axtarış zamanı N.Hüsiyevdən 6,32 qram heroin və 3,18 qram marixuana, E.Quliyevdən 5,98 qram heroin götürülüb.
