Rusiya sülhlə razılaşır

Rusiya, Ukrayna, Almaniya və Fransanın xarici işlər nazirləri arasında keçirilmiş telefon danışıqlarının nəticələrinə görə tərəflər yaxın günlərdə Ukrayna probleminin müzakirəsini davam etdirəcəklər.

Bu barədə Fransanın Xarici İşlər Nazirliyi məlumat yayıb.

Vurğulanıb ki, nazirlər danışıqları yaxın günlərdə "Norman formatında" keçirmək barədə razılığa gəliblər.

Rusiya XİN-dən bildirilib ki, tərəflər Ukraynanın cənub-şərqində vəziyyətin Minsk razılaşması çərçivəsində nizama salınmasına kömək yollarını müzakirə ediblər.

Xatırladaq ki, Rusiya, Almaniya, Fransa və Ukraynanın xarici işlər nazirləri Sergey Lavrov, Frank-Valter Ştaynmayer, Loran Fabius və Pavel Klimkin yanvarın 2-də telefon söhbətində Ukraynanın cənub-şərqində vəziyyətin sülh yolu ilə nizamlanması prosesini müzakirə ediblər. (anspress)

Ölkə.Az