Cəlilabadda 50 yaşlı tənha qadın özünü asıb
Hadisə rayonun Cəlayir kəndində qeydə alınıb.
“Ölkə.Az”ın məlumatına görə, kənd sakini, 1968-ci il təvəllüdlü Yasəmən Elyas qızı Nağıyeva özünü saat 17 radələrində evin həyətindəki tövlədə asıb.
Onun meyiti müayinə olunmaq üçün Məhkəmə Tibbi-Ekspertiza və Patoloji Anatomiya Birliyinin Cəlilabad Rayon Şöbəsinə təhvil verilib.
İlkin ekspertizanın rəyinə görə, Y. Nağıyevanın psixoloji problemləri olub. Belə ki, illər öncə ailə həyatı qurub, ancaq övladı olmadığına görə boşanıb və kənddə qoca anası ilə birgə yaşayıb.
Faktla bağlı Cəlilabad rayon prokurorluğunda cinayət məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb.
