Gürcüstanda dövlət məmurlarına qara rəngli maşında gəzmək qadağan edildi
Gürcüstan hökuməti dövlət məmurlarına qara rəngli avtomobildən istifadəni qadağan edib.
“Ölkə.Az” xəbər verir ki, bu barədə sərəncam hökumətin rəsmi internet səhifəsində dərc edilib. Fevral ayında baş nazir Georgiy Kvirikaşvili bütün dövlət məmurlarını “Qara yolsuzluq maşını dövrünü” bağlamağa çağırmışdı. Onun fikrinə görə, bu, insanları əsəbləşdirir. Baş nazirin sözlərinə əsasən, mərhələli şəkildə ekoloji cəhətdən təmiz nəqliyyat vasitələrinə keçmək lazımdır.
Hikmət Həsənov
Ölkə.Az
