9.5 milyon dolları olan bu oteldə qala bilər

“Ölkə.Az” xəbər verir ki, şirkət oteldə qalmaq üçün qiymətləri də təyin edib.

“Orion Span” şirkəti Kaliforniyada keçirilən “Space 2.0” konfransında yeni layihəsini təqdim edib. Kosmosda qurulacaq ilk lüks otel üçün hazırlıq etdiyini bildirən şirkət “Aurora Station” adlı layihəsi ilə bağlı məlumat verib.

Dünyanın ətrafında inşa ediləcək oteldə 6 nəfər qala biləcək. 2 kosmonavt və 4 turistin qala biləcəyi oteldə 12 günlük müddətlər nəzərdə tutulub.
Oteldə qalacaq müştərilər əvəzsiz Dünya mənzərəsini müşahidə edəcək, kosmosda bitki yetişdirmə işlərində iştirak edəcək və cazibə qüvvəsinin olmadığı şəraiti sınaqdan keçirəcəklər.

Şirkətin qurucusu Frenk Banqer kosmosdakı ilk oteldə qalmaq istəyənlərin indidən 80 min dollar beh verərək növbə tutduqlarını, 12 günlük kosmik tətil üçün isə 9.5 milyon dollar ödəyəcəklərini bildirib.

Qeyd edək ki, otel 2022-ci ildə istifadəyə veriləcək.

Hikmət Həsənov
Ölkə.Az