Səudiyyə şahzadəsi Qətəri adaya çevirir
Səudiyyə Ərəbistanı ilə Qətər arasında böhran getdikcə böyüyür.
“Ölkə.Az” xəbər verir ki, Qətəri blokadaya alan Səudiyyə Ərəbistanı Qətərin quru ilə əlaqəsini kəsib onu adaya çevirməyi planlaşdırır.
Səudiyyə şahzadəsi Salmanın yeni turizm layihəsi bunu deməyə əsas verir. Səudiyyə Ərəbistanının şərq hissəsində Qətər sərhədini əhatə edən şəkildə dəniz kanalı inşa ediləcək. Bu da Qətərin quru ilə əlaqəsinin qopması mənasına gəlir.
60 km uzunluğu, 200 metr eni, 20 metr dərinliyi olan kanal 12 ay ərzində hazır olacaq. Layihəyə ilkin mərhələdə 2.8 milyard dollar maliyyə ayrılıb. Layihəyə rəsmi icazə verilsə, Səudiyyə şirkəti işə başlayacaq.
Hikmət Həsənov
Ölkə.Az
