Dumada hava hücumları yenidən başlandı
Əsəd rejiminin blokadasındakı Şərqi Qutanın Duma rayonunda təxliyyə prosesi dayanıb.
“Ölkə.Az” Dumadakı Mülki Müdafiə (Ağ beretlilər) qrupuna istinadən xəbər verir ki, Əsəd rejimi və Rusiyanın qısa müddət öncə başlatdığı əməliyyatda 35 hava hücumu təşkil edilib.
İlkin məlumata əsasən hücum nəticəsində 25 mülki vətəndaş ölüb.
Hava hücumlarının yenidən başlamasının səbəbi kimi Dumanın da atəşkəs və təxliyyə prosesinə aid edilməsini istəyən Ceyşül İslam ilə Rusiya arasındakı fikir ayrılıqları göstərilir.
Qeyd edək ki, Rusiyanın himayəsində aparılan danışıqların nəticəsi olaraq martın 22-də Şərqi Qutada məcburi təxliyyə başlamışdı.
Ölkə.Az
