“Ana, səni sevirəm!”

Bu günlərdə Bakıda keçirilən eksperimentin görüntüləri sosial şəbəkələrdə əsas müzakirə mövzularından biri olub.

“Ölkə.Az”ın xəbərinə görə, böyük əksəriyyətin alqışını qazanan videoçarx “Birinci Şou” tərəfindən hazırlanıb. Xəzər 103 fm-də yayımlanan “Birinci Şou” verilişinin komandası valideynlərə, xüsusəndə analara sevgi və ehtiramın hər gün edilməli olduğunu diqqət çəkməyə çalışıb. Bunun üçün isə vətəndaşlardan sadəcə analarına zəng edib xoş söz demələri istənilib.

Qeyd edək ki, “BirinciŞou” radio verilişi “Pro Media Qrup” şirkətinin məhsuludur. Veriliş həftə içi beş gün səhər saat 07:00 - 10:00 kimi dinləyicilərinin görüşünə gəlir. Verlişin aparıcıları Cavid Neymətzadə və Teymur Əliyevdir. “Birinci Şou”nun xüsusi müxbiri isə Abdulla Hacızadədir. Radio verilişlər və layihələr hazırlayan “Pro Media Qrup”un rəhbəri Cavid Neymətzadə bu kimi sosial çarxların davamlı olacağını deyir.

Xatırldadaq ki, Cavid Neymətzadə AvtoRadio-nun sabiq direktorudur. Elə şirkətin işçiləri də radionun keçmiş komandasıdır.