Çində yeni dövr başlayır
Çində yeni sosializm dövrü 4 prinsip üzrə inkişaf edəcək.
“Ölkə.Az” xəbər verir ki, bu barədə Çin Xalq Respublikasının sədri Si Tzinpin məlumat verib. Onun dediyinə görə, islahatların nəticələri, inkişafı stimullaşdırmaq üçün aktiv tədbirlər, açıq bazar və bütün dünya ilə əməkdaşlıq üzrə inkişaf gedəcək.
“Biz ölkəmizin vəziyyətini islahat və yenidənqurma ilə daha da yaxşılaşdıracağıq. İnnovasiya və inkişaf sahəsində qəti addımlar qəbul edəcəyik.
Kooperasiya və açıqlıq çərçivəsini genişləndirəcəyik. Nəhayət, bütün bəşəriyyətin inkişafı naminə bütün dünya ilə əməkdaşlıq edəcəyik”, - deyə Tzinpin bildirib.
Si eyni zamanda qeyd edib ki, Çin heç vaxt inkişaf səviyyəsindən asılı olmayaraq, digər ölkələr və dünya stabilliyi üçün təhlükə yaratmayacaq.
Hikmət Həsənov
Ölkə.Az
