Dünyanın ən yaşlı kişisi kimdir?
“Ginnesin Rekordlar Kitabı”na əsasən, dünyanın ən yaşlı kişisi Yaponiya sakini Masadzo Nonakadır.
“Ölkə.Az” xəbər verir ki, Nonaka 1905-ci ilin 25 iyul tarixində anadan olub və Hokkaydo adasının Meakan dağının yamacındakı Asero qəsəbəsində yaşayır. Onun 5 övladı var.
Masadzonun dəqiq yaşı 112 il 259 gündür. Bu vaxta qədər isə rekordsmen İspaniya sakini 113 yaşlı Fransisko Olivera idi. Fransisko bu ilin fevral ayında dünyasını dəyişib.
“Ginnesin Rekordlar Kitabı”nın yapon filialının vitse-prezidenti Erika Oqava Nonakuya baş çəkərək sertifikatını verib.
Hikmət Həsənov
Ölkə.Az
