Zukerberq ABŞ Senatında ifadə verdi

“Facebook”un qurucusu Mark Zukerberq ABŞ Senatının ədliyyə komitəsi və ticarət, elm, nəqliyyat komitəsinə ifadə verib.

“Ölkə.Az” xəbər verir ki, ticarət komitəsinin sədri senator Con Tun açılışda çıxış edib:

“ “Facebook” istifadəçilərinin anlamlı seçimlər edə bilməsi üçün ehtiyac duyduqları lazım olan məlumata sahib olduğuna inanmıram. Sizin məsuliyyətiniz var. Amerika və dünya sizi izləyir”.

Zukerberq ifadəsində senatorların ünvanladığı sualları cavablandırıb. Mark çıxışında məlumat sızmasının qarşısını almaq üçün kifayət qədər addım atmadıqlarını bildirib. Şirkətin yaratdığı vasitələrin ziyan üçün istifadə edildiyini, bu vasitələrlə saxta xəbər, xaricilərin seçkilərə müdaxiləsi və nifrət dolu çıxışların yayılmasına vasitə olduğunu bildirib.

Zukerberq şirkətin istifadəçilər qarşısında öhdəliklərini yerinə yetirmədiyini bildirib:

“Bu, böyük bir səhv idi. Mənim səhvimdir və mən üzr istəyirəm”.
Qeyd edək ki, Zukerberq sabah da ifadə verəcək.

Hikmət Həsənov
Ölkə.Az