Emil Balayev "Ayntraxt"a kubok qazandırdı

"Neftçi"dən "Ayntraxt"a transfer olunan millimizin qapıçısı Emil Balayev yeni klubunda ilk kubokunu qazanıb.

Frankfurt təmsilçisi yaranan fasilədən istifadə edərək, 13-cü Harder kubokunda mübarizə aparıb.

Balayevin komandası mini turnirin əsas mərhələsində 4 oyun keçirib. "Karlsrue"yə 2:1, "Valdhof"a 3:0 və "Kayzerslautern"ə 5:4 hesabı ilə qalib gəlib, "Sandhauzen"ə 1:4 hesabı ilə uduzan komanda finala yüksəlib.

"Ayntraxt" həlledici görüşdə millimizin digər üzvü Dmitri Nazarovun şərəfini qoruduğu "Karlsrue" ilə üz-üzə gəlib. Oyunun əsas vaxtında qalib müəyyənləşməyib - 4:4. Penaltilər seriyasında daha dəqiq oynayan (5:4) "Ayntraxt" kuboka sahib çıxıb. Həmin görüşdə "Ayntraxt"ın çərçivəsini məhz Emil Balayev qoruyub./Qol.az/

Ölkə.Az