“Şanxay Əməkdaşlıq Təşkilatı”nın müşahidəçiləri: “Azərbaycanda yüksək səviyyədə təşkil edilib”

“Ölkə.Az” xəbər verir ki, “RİA Novosti” portalına müsahibə verən Yevgeniy Şevçenko Azərbaycanda keçirilən prezident seçkilərində seçivilərin aktivliyi və seçkinin yüksək səviyyədə təşkil edildiyini bildirib.

“Səsvermə kifayət qədər qayda-qanunla aparılır. Müşahidəçilər də çoxdur. İnsanlar səhər saatlarından səsvermədə iştirak edirlər. Bəzi məntəqələrdə insanlar səs vermək üçün növbəyə durublar”, - deyə Şevçenko qeyd edib.

Rusiyalı müşahidəçi qeyd edib ki, Rusiya, Özbəkistan, Tacikistan, Qazaxıstan, Qırğızıstan, Pakistan və Çindən olan müşahidəçilər Azərbaycanın müxtəlif regionlarında müşahidə aparırlar. Bir çox seçki məntəqəsində video müşahidə imkanı da var.

Qeyd edək ki, Rusiyanı “ŞƏT”də Şevçenkodan başqa, Dumanın üzvü İrek Zinnurov və Rusiya Federasiyası Şurasının üzvü Aleksandr Başkin də təmsil edir.

Hikmət Həsənov
Ölkə.Az