Fransa prezidenti Rusiyaya qarşı sanksiyaların ləğvinə çağırdı

“Putin Ukraynanın şərqini işğal etmək istəmir”.

Ukrayna ətrafında vəziyyətlə əlaqədar Qərbin Rusiyaya qarşı sanksiyaları ləğv edilməlidir.

Bunu Fransa prezidenti Fransua Olland, France “Inter” radiostansiyasının canlı efirində çıxış edərkən bəyan edib.

“Rusiyada böhran Avropa üçün mütləq şəkildə yaxşı demək deyil... Mən düşünürəm ki, Rusiyaya qarşı sanksiyaları dayandırmaq lazımdır.

Əgər Ukraynada vəziyyət üzrə irəliləyiş olarsa, bu sanksiayalar dayandrılmalıdır. Əgər dəyişiklik olmasa, sanksiyalar da qalacaq”, - Olland bəyan edib.

Ölkə.Az bu barədə oxu.az-a istinadən xəbər verir.

Rusiya prezidentinin Ukraynanın şərqini işğal etmək məqsədi yoxdur, Vladimir Putinin əsas məqsədi – Ukraynanı Şimaliatlantik Alyansına daxil olmaqdan saxlamaqdır, deyə, Olland vurğulayıb.

“Putin Ukraynanın şərqini işğal etmək istəmir. O, mənə bu barədə deyib. Mən ona inanmaya bilərdim. Amma bu Krım deyil. O, Ukraynanın NATO düşərgəsinə keçməsini istəmir”, - Fransua Olland bəyan edib.

Bununla yanaşı Fransa prezidenti bəyan edib ki, Rusiya Ukraynanın ərazi bütövlüyünə hörmət etməlidir və “separatçılara dəstəyi” dayandırmalıdır.

Olland vurğulayıb ki, Avropa Ukrayna böhranının başa çatmasında maraqlıdır, belə ki, Rusiya əleyhinə sanksiyalar Avropa iqtisadiyyatına da mənfi təsir göstərir.

Ölkə.Az