Amerikalı polislər daha bir mülki vətəndaşı öldürdülər

Polislər əşyanı silahla səhv salıb və atəş açıblar.

San-Fransiskonun polisləri naməlum şəxsə atəş açıblar, səbəb isə həmin şəxsin tapançaya oxşayan əşya ilə onları hədələməsi olub.

Ölkə.Az oxu.az-a istinadən xəbər verir ki, kişi aldığı yaralardan keçinib.

İnsident yanvar ayının 4-də yerli vaxtla 17:30-da şəhərin şərq hissəsində polis bölməsinin avtomobil dayanacağında baş verib.

Polis nümayəndəsi Elbi Esparzanın verdiyi bəyanata görə, naməlum şəxs kənar şəxslər üçün qapalı olan dayanacağın ərazisinə daxil olub.

Hüquq mühafizə orqanlarının məlumatına əsasən, üç polis əməkdaşı ona yaxınlaşaraq həmin ərazini tərk etməyini söyləyiblər. O, qaçmağa başlayıb, sonra isə dayanaraq tapançaya oxşayan əşya ilə onları hədələməyə başlayıb.

“Kişi əşyanı kəmərindən çıxararkən serjantlar silahın qundağını görüblər”, - Esparza deyib. Polislər əşyanı silahla səhv salıb və atəş açıblar.

Kişi yaralanıb və yerli xəstəxanaya çatdırılıb, orada isə vəfat edib.

Sonra isə onun üzərində odlu deyil, pnevmatik silah olduğu aşkarlanıb.

Ölkə.Az