İkinci Naxçıvan harada yerləşir?

Bura Rusiyanın kiçik Ermənistanıdır.

Ermənilərin sıx məskunlaşdığı Naxçıvan na Donu şəhəri 1928-ci ildən Rostov na Donu şəhərinin Proletar rayonuna çevrilmişdi.

XVIII əsrin sonunda II Yekaterinanın dəvəti ilə minlərlə krım ermənisi bu torpaqlarda koloniya quraraq, bir neçə kəndlə birlikdə Nor-Naxçıvan adlı şəhərin əsasını qoyublar. 1779-cu il 9 mart tarixində Yekaterinanın əmri ilə yeni şəhər salınıb. Sonradan şəhər inkişaf edərək Rusiya imperiyasının ticarət mərkəzlərindən biri kimi ad qazanmışdı. 1838-ci ildə şəhərin adı dəyişdirilərək Naxçıvan na Donu olub.

1896-cı ilin statistikasına əsasən, Naxçıvan na Donu şəhərində 32 174 nəfə yaşayıb. Onlardan 15 572-si kişi, 16 602-si isə qadin olmuşdu. Əhalinin yarıdan çoxunu Krımdan gəlmiş ermənilər təşkil etmişdi. Hazırda bu şəhər Rusiyanın adı şəhərlərindən biridir və daha çox kiçik Ermənistan kimi tanınır.

Azərbaycanın əzəli torpağı olan Naxçıvan, eyni zamanda tarixin müxtəlif dövrlərində Azərbaycan Atabəyləri və Naxçıvanşahlıq dövlətlərinin və Naxçıvan xanlığının da paytaxtı olmuş, vilayət və qəza bölgə mərkəzi kimi inkişaf etmişdi.

Ən qədim yer adlarından olan “Naxçıvan” toponiminin müxtəlif etimoloji yozumları mövcuddur.

Şəhərin adı "Nəşavə", "Nəqçuan" (Nəxçuan, Nəxçuvan, Nəxçəvan) şəkillərində işlənmişdi. Bir sıra qaynaqlarda (Məhəmməd Naxçıvani, Həmdullah Qəzvini, Katib Çələbi, Övliya Çələbi və b.) Naxçıvan toponimi kimi təqdim edilən "Nəqşi - cahan" adı təşbeh olub, dünyanın bəzəyi mənasını bildirir.

Rəşid Mustafazadə

Ölkə.Az