Dələduz qadın vaxtından əvvəl azadlığa çıxmaq istəyir
Dələduzluq maddəsi ilə həbsdə olan Nağıyeva Aygün Xaqani qızı “Azərbaycan Respublikası CM-də dəyişikliklər edilməsi haqqında” Qanunun tətbiq edilməsi ilə əlaqədar Xətai rayon Məhkəməsinə müraciət edib.
“Ölkə.Az”ın xəbərinə görə, 1-ci instansiya məhkəməsi dələduz qadının şikayətini təmin etməyib. A.Nağıyeva yenidən Bakı Apellyasiya Məhkəməsinə şikayət ərizəsi verib və bu gün hakim Vaqif Mursaqulovun sədrliyi ilə məhkəmə prosesi keçiriləcək.
Xatırladaq ki, Bakı şəhər sakini Aygün Nağıyevanın məhkəmə istintaqı 2016-cı ilin avqust ayında Bakı Ağır Cinayətlər Məhkəməsində yekunlaşıb. Hakim Cavid Hüseynovun sədrliyi ilə keçirilən prosesdə Aygün Qurbanova 5 il müddətinə azadlıqdan məhrum edilib. Həmin ilin noyabr ayında isə Bakı Apellyasiya Məhkəməsi 1-ci instansiya məhkəməsinin hökmünü qüvvədə saxlayıb.
