Tacikistan prezidenti İlham Əliyevi təbrik etdi
“Ölkə.Az” xəbər verir ki, Emoməli Rəhmon məktubunda İlham Əliyevi prezident seçkilərində qələbə qazanması münasibətilə təbrik edib.
"Azərbaycan Respublikası Prezidenti seçkilərində inamlı qələbəniz münasibətilə sizə ən səmimi təbriklərimi çatdırmaqdan zövq alıram. Azərbaycan xalqı öz seçimi ilə bir daha sizin rəhbərliyiniz altında həyata keçirilən, ölkənin davamlı rifahına və beynəlxalq arenada nüfuzunun gücləndirilməsinə yönəlmiş siyasətə yüksək inam nümayiş etdirib.
Hörmətli İlham Əliyev, sizə can sağlığı, xoşbəxtlik və dövlət idarəçiliyi fəaliyyətinizdə yeni uğurlar və dost Azərbaycan xalqının rifahı naminə yeni nailiyyətlər arzulayıram", - təbrikdə deyilir.
E.Rəhmon Tacikistan-Azərbaycan əməkdaşlığının iki ölkənin maraqları baxımından daha da inkişaf edəcəyinə əminliyini söyləyib.
Tacikistan prezidenti İlham Əliyevin uzun illər ərzində göstərdiyi səylər sayəsində Azərbaycanın sosial-iqtisadi inkişaf sahəsində əhəmiyyətli irəliləyişlərə imza atdığını da qeyd edib.
Hikmət Həsənov
Ölkə.Az
