İqor Dodon İlham Əliyevi prezident seçkilərindəki qələbəsinə görə təbrik etdi
Moldova prezidenti İqor Dodon İlham Əliyevə təbrik məktubu ünvanlayıb.
“Ölkə.Az” xəbər verir ki, Dodonun məktubu Moldova prezidentinin internet səhifəsində dərc edilib.
Təbrikdə İ.Dodon seçkilərdəki qələbənin Azərbaycan xalqının İlham Əliyevin ölkənin inkişafı, sabitlik və cəmiyyətdə harmoniya istiqamətində siyasətinə inamını nümayiş etdirdiyini bildirib.
O, iki ölkə arasında konstruktiv dialoq və əməkdaşlığın ölkələr arasında əlaqələrin möhkəmləndirilməsinə kömək göstərməyə davam edəcəyinə əminliyini söyləyib.
Qeyd edək ki, Azərbaycanda dünən prezident seçkiləri keçirilib. İlkin məlumata görə, İlham Əliyev seçicilərin 86%-inin səsini toplayıb.
Dövlət başçısı postu uğrunda 8 namizəd yarışıb.
Hikmət Həsənov
Ölkə.Az
