Adını Nilufər dedi, 100 min manatı ələ keçirdi
“Ölkə.Az”ın məlumatına görə, S.İbrahimova Xətai Rayon Məhkəməsinin 15 mart 2018-ci il tarixli qərarından şikayət verib. Belə ki, o, barəsində “Azərbaycan Respublikasının Cinayət Məcəlləsində dəyişikliklər edilməsi haqqında” qanunun tətbiq edilməsini istəyir.
Xatırladaq ki, 2015-ci ilin yanvar ayında Bakı Ağır Cinayətlər Məhkəməsində dələduzluqda təqsirləndirilən Simuzər İbrahimova 9 il müddətinə azadlıqdan məhrum edilib.
Qeyd edək ki, 2012-ci ilin sentyabr ayında özünü Nilufər kimi təqdim edən Simuzər İbrahimova Bakı şəhər sakini Nurəngiz Hüseynzadənin etibarından sui-istifadə edərək 62 min 500 manat və 32 min ABŞ dollar alaraq qaytarmayıb.
Nəsimi Rayon Polis İdarəsinin 20-ci polis bölməsi əməkdaşlarının keçirdikləri əməliyyat tədbirləri nəticəsində, dələduzluqda şübhəli bilinən Bakı şəhər sakini Simuzər İbrahimova (Nilufər) tutulub.
