İsa Məsih burada mühakimə olunub

Arxeoloqlar Pontiy Pilatın İsa Məsihi mühakimə etdiyi iddia olunan yeri tapıblar.

Ölkə.Az "The Washington Post"-a istinadən xəbər verir ki, arxeoloqların bəyanatına görə, İsa Məsihin məhkəməsi aparılan bina tapılıb. Xarabalıqda yerləşən bina 15 il ərzində İsraildə "Davud qülləsi" ətrafında aparılan qazıntı işləri nəticəsində aşkar olunub.

Əvvəllər arxeoloqlar bu binanı türk və britaniya hökmranlığı dövründə həbsxana kimi qələmə vermişdilər. Lakin indi onlar hesab edir k, bura İrod Antipin sarayının qalıqlarıdır. Məhz burada İudeyanın prefekti Pontiy Pilat İsa Məsihə ölüm hökmü çıxarmışdılar.

Bu versiya Şimali Karolina universitetinin arxeologiya üzrə professoru Şimon Qibson tərəfindən irəli sürülmüşdü.

Rəşid Mustafazadə

Ölkə.Az