Mossad-ın keçmiş rəhbəri: “Rusiya ilə müharibə ola bilər”
İsrailin Mossad kəşfiyyat xidmətinin sabiq rəisi Efraim Halevi İsrail ilə Rusiya arasında hərbi toqquşma ehtimalının artdığını söyləyib.
“Ölkə.Az” xəbər verir ki, Efraim İsrailin “Kanal 10” televiziyasına bu barədə müsahibə verib.
“Bu müharibə ölkəmizin şimalına (Suriya nəzərdə tutulur) yerləşən və varlığını böyüdən ölkə ilə olacaq. Bu ölkə şimal sərhədindədir. Rusiya ilə müharibə vəziyyətinə gələ bilərik. İsrail qüvvələri Rusiya qüvvələri ilə üz-üzə gələ bilər və müharibə başlayar. Bu super güc ilə məsələni savaşmadan həll etməyin yolunu tapmalıyıq amma müharibə olsa da, qalib ayrılmalıyıq”.
Halevi əlavə edib ki, Rusiya uzun müddət qalmaq üçün Suriyaya girib:
“Hərbi bazalarını 10 illərlə qalacaq formada inşa edib. Düşünürəm ki, regiondakı strateji müttəfiqi İranın məğlubiyyətini istəməyəcək və İranın məğlubiyyəti Rusiyaya sərf etməz”.
Hikmət Həsənov
Ölkə.Az
