Ebru Gündeş Rza Zərrabdan boşanır
Ebru Gündeş Rza Zərrabdan boşanır.
Ölkə.Az Türkiyə mətbuatına istinadən xəbər verir ki, tanınmış müğənni Ebru Gündeş və 17-25 dekabr tarixlərində korrupsiya əməliyyatlarında adı keçən Rza Zərrabın boşanması haqqında xəbərlər yayılıb. Beyaz TV ekranlarında yayımlanan "Danışmasam olmaz" maqazin proqramında Ebru Gündeş ilə Rza Zərrabın boşanacağı iddia edilib.
Proqramda Ebru Gündeşin məlum hadisələrdən sonra cütlüyün arasının pozulduğu söylənilib. İddialara görə, Ebru Gündeş "Ən gözəllərini mənə ayır" sözünü eşitdikdən sonra dərhal boşanmaq istəyib, ancaq Rza Zərrab Ebru Gündeşi uşağı göstərməməklə təhdid edib.
Bu iddiaların ortaya atılmasının ardından Ebru Gündeşin Instagram hesabından paylaşdığı bu fotoşəkil iddialarıdaha da gücləndirib.
Həyat yoldaşı Rza Zərrabın rüşvət və korrupsiya əməliyyatında həbs olunmasının ardından ilk dəfə ekrana çıxan Ebru Gündeş romantik anlar yaşamışdı.
Böyük narahatlıq yaşadığını izah edən Gündeş bu çətin günlərə də dözəcəyini və işinə davam edəcəyini söyləmişdi:
"Çox çaşmış və kədərli olduğum bir mövzu. Rza mənim uşağımın atası və mənim də ərimdir. Biz çox sevərək evləndik. Biz bir söz verdik - yaxşı və pis gündə birlikdə olacağımıza and içdik. Bilirəm ki, hər gecənin bir səhəri var. Bilirəm ki, bunun da bir sabahı var . Həyatda, heç kim unutmasın ki, hər şey insan üçündür. Daha əvvəl çox pis bir xəstəlik yaşadım və 10 gün sonra yenə bu kanalda televiziyaya çıxdım. Evlənmədən əvvəl də işimi edirdim, evlənincə də işimi etdim, bundan sonra da edəcəyəm. Allahım, inşallah bu qaranlıq günlər çox tez keçər, çünki uşağımın ağrılar keçirməsini istəmirəm. İnşallah, tez keçər. Fiziki olaraq buradayam, amma ruh olaraq əsla burada deyiləm çünki içim qan ağlayır", - deyə Gündeş bildirmişdi.
Ölkə.Az
