“Global Firepower Index” hərbi güc reytinqində Azərbaycanın mövqeyi
“Global Firepower Index” ənənəvi reytinq cədvəlini dərc edib.
“Ölkə.Az” xəbər verir ki, Azərbaycan bu hərbi güc reytinqində 53-cü pilləyə yüksəlib. Ötən il isə Azərbaycan 59-cu pillədə idi. Ümumi olaraq hesabat 136 dövlətin hərbi gücünə aiddir.
Reytinq cədvəlində dünya dövlətlərinin hərbi gücü hərbi büdcənin miqdarı, canlı qüvvənin, tankların, təyyarələrin, sualtı qayıqların, aviadaşıyıcıların sayından asılı olaraq interqrallaşdırılmış göstəricilərlə qiymətləndirilir.
İlk onluğa ABŞ rəhbərlik edir. Sonra isə Rusiya, Çin, Hindistan, Fransa, Birləşmiş Krallıq, Cənubi Koreya, Yaponiya, Türkiyə yer alıb. Onluğun onuncusu isə Almaniyadır.
Ermənistan isə cədvəldə 84-cü pillədədir.
Hikmət Həsənov
Ölkə.Az
