Ucar rayonunda 61 yaşlı kişinin intiharının səbəbi
Ötən gün rayonun Heydər Əliyev prospekti ev 87, mənzil 5-də yaşayan şəhər sakini, 1957-ci il təvəllüdlü Gündüz Fəfxan oğlu Fəfxanov intihar edib.
“Ölkə.Az”ın xəbərinə görə, G.Fəfxanov özünü binanın ikinci mərtəbəsindəki mənzilində asıb. Belə ki, gündüz saatlarında evdə heç kimin olmamasından istifadə edən 61 yaşlı kişi özünü mənzildəki qaz turbasından asıb. Onun meyitini həyat yoldaşı aşkar edib. Araşdırmalarımız zamanı məlum olub ki, Fəfxanov uzun illər Ucar rayon Telekommunikasiya şöbəsində elektrik işləyib, şüalanma ilə əlaqədar təqaüdə çıxıb. Həmçinin son vaxtlar başındakı ağırılardan əziyyət çəkib.
Üç övladı olan G.Fəfxanovun intihar etməsinə səbəb kimi xəstəliyi göstərilir.
Faktla əlaqədar Ucar rayon prokurorluğunda cinayət məcəlləsinin 125-ci (ölüm həddinə çatdırma) maddəsi ilə cinayət işi başlanıb, araşdırmalar davam etdirilir.
