Valideynlərinin boşandığını öyrənən 12 yaşlı oğlan intihar etdi

Hadisə İsraildə baş verib.

Ölkə.Az İsrail mətbuatına istinadən xəbər verir ki, Holon şəhərində 12 yaşlı oğlan valideynlərinin boşandığını öyrəndikdən sonra özünü asıb. Oğlanın anası işdən qayıdarkən oğlunun nəfəssiz bədənini görüb.

12 yaşlı intiharçı xəstəxanaya çatdırılsa da, həkimlər onun öldüyünü bildiriblər. Polislər hadisədə cinayət tərkibinin olmadığını qeyd ediblər. Bildirilir ki, oğlan xeyli vaxtdır ki, valideynlərinin boşanmasına görə narahatlıq keçirirmiş.

Buna baxmayaraq, gəncin ölümü ətrafında söz-söhbətlər səngimir.

Ölkə.Az