ABŞ-ın yeni müttəfiqi Özbəkistandır?

Obama 2015-ci ildə Özbəkistanla münasibətləri möhkəmləndirmək niyyətindədir.

ABŞ prezidenti Özbəkistanın başçısına Yeni İl təbriki göndərib.

Ölkə.Az xəbər verir ki, özbək mətbuatında yayılan xəbərlərə görə, Barak Obamanın həmkarı İslam Kərimova yolladığı təbrik məktubunda bildirilir ki, ABŞ Özbəkistanla məhsuldar münasibətlərə ümid edir və 2015-ci il üçün müttəfiqliyin möhkəmləndirilməsini arzulayır.

"Amerika xalqı adından Sizə və Özbəkistan xalqına Yeni ildə sülh və çiçəklənmə arzu edirəm. 2015-ci ildə mən səbrsizliklə ölkələrimiz arasında müttəfiqliyin möhkəmləndirilməsi və hamımız üçün daha sabit və təhlükəsiz dünyanın birgə qurulmasını gözləyirəm", - deyə təbrikdə deyilir.

Özbəkistanın mətbuat xidmətindən bildirilib ki, Yeni İllə bağlı ölkə başçısına müxtəlif liderlərin adından təbriklər gəlib.

Rəşid Mustafazadə

Ölkə.Az