Azad İsazadə: "Müharibə risqi hər zaman var"

"Yarım ildən artıqdır ki, cəbhədə vəziyyət tam sabitləşmir. Bu isə təkcə ABŞ-ı yox, hamımızı narahat edir".

ABŞ hakimiyyəti Dağlıq Qarabağda atəşkəsin pozulması barədə məlumatlardan narahatdır.

Bu barədə Dövlət Departamentinin rəsmi nümayəndəsi danışıb.

Məsələ ilə bağlı Ölkə.az-a danışan hərbi ekspert məsələ ilə bağlı bunları söylədi:

"Yarım ildən artıqdır ki, cəbhədə vəziyyət tam sabitləşmir. Bu isə təkcə ABŞ-ı yox, hamımızı narahat edir. Mən belə fikirləşirəm ki, ermənilər Rusiyanın hərəkətlərini təkrar edir. Sadəcə bu gün Rusiya dünyada qəbul olunmuş, təhlükəsiz sistemini Krım hadisələrindən sonra darmadağın edib. Və burada Rusiya öz bildiyini etdiyinə görə, onun yaxın müttəfiqi çalışır həmin siyasəti cənubi Qafqazda yeritsin. Sözsüz ki, bu ABŞ-ı, Avropanı və ümumiyyətlə regionda digər dövlətləri həmişə narahat edir".

-Son hadisələr, müdafiə nazirinin səsləndirdiyi fikir hər hansısa riskdən xəbər verirmi?

"Risk hər zaman var. Toqquşmalar genişmiqyaslı döyüşlərə, müharibəyə çevrilə bilər. Çevrilmir, ona görə ki, Azərbaycan vaxtı-vaxtında lazımlı cavablar edir. Bununla yanaşı, təhlükə yenə də qalır".

Qeyd edək ki, bu barədə Dövlət Departamentinin rəsmi nümayəndəsi Cen Psaki bəyan edib.

Fatimə İbrahimova
Ölkə.az