Arsen Venger “Arsenal” klubunu tərk edir

“Ölkə.Az” xəbər verir ki, bu barədə fransız məşqçi özü məlumat verib. Venger 22 illik işdən sonra bu mövsümün sonunda klubu tərk edəcəyini açıqlayıb.

“Rəhbərlik ilə uzun müddət davam edən müzakirələrdən sonra hiss edirəm ki, klubu tərk etməyin vaxtıdır. “Arsenal”a xidmət etmək üçün yaradılan şəraitə görə təşəkkür edirəm. Uzun illər özümü bu işə həsr etmişəm. Bu klubu özəl edən kollektivə, futbolçulara, rəhbərliyə, azarkeşlərə təşəkkür etmək istəyirəm”, - deyə 68 yaşlı Arsen açıqlamasında bildirib.

Arsen Vengerlə komanda 17 kubok qazanıb. Amma son 14 ildə bir dəfə də olsun milli çempionatda qələbə əldə etməyib. Vengerin yerinə kluba kimin dəvət ediləcəyi bilinmir.

Hikmət Həsənov
Ölkə.Az