“Azərbaycanlılar türkcə danışan farslardır” açıqlamasına sərt reaksiya
İran Parlamentinin Urmiyalı millət vəkilləri Nadi Qazipur və Hadi Bahadur ölkə prezidenti Həsən Ruhaniyə məktub göndərib.
“Ölkə.Az” xəbər verir ki, məktub, Ruhaninin köməkçisi Yunusinin “azərbaycanlılar türkçə danışan farslardır” açıqlamasına reaksiya xarakterlidir və ona Azərbaycan əsilli 50 millət vəkili imza atıb.
Məktubda Yunusinin açıqlamalarının ölkənin təhlükəsizliyinə ziyan vurduğu, İranda müxtəlif xalqların yaşadığı və Qurana görə irqi ayr-seçkiliyin qəbuledilməz olduğu bildirilir.
Məktubda o da qeyd edilib ki, bir qövmün dilinə xəyanət həmin qövmə xəyanət deməkdir.
Ölkə.Az
